Maqsud İbrahimbəyov Yaradıcılıq Mərkəzi

4 Mart 2020

18 Fevral 2020

Maqsud İbrahimbəyov Yaradıcılıq Mərkəzinin qonağı Heydər Əliyev Fondunun icraçı direktoru Anar Ələkbərov olmuşdur.

Anar müəllimə xoş görüşə, xoş sözlərə və Fondun ilk gündən bizə göstərdiyi daimi dəstəyə görə təşəkkür edirik.

13 Fevral 2020

Mərkəzimizdə "Baku Oxford School" 7-10-cu sinif şagirdləri ədəbiyyat dərsində Maqsud İbrahimbəyovun "1001 müharibə gecəsi", "Püstə ağacı", "Əlvida, Miledi" hekayələrini müzakirə etmişlər.

13 Fevral 2020

Əsl ədəbiyyat köhnəlmir, dəbdən düşmür, onilliklər sonra da anlaşılan və aktual olaraq qalır. Bunun əyani sübutu Maqsud İbrahimbəyov Yaradıcılıq Mərkəzində keçirilən Bakı Oksford Məktəbinin açıq ədəbiyyat dərsi oldu. Açıq dərsdə 7-10-cu sinif şagirdləri Maqsud İbrahimbəyovun "Müharibənin 1001 gecəsi", "Püstə ağacı", "Əlvida, Miledi" hekayələrini müzakirə etdilər.

Bu əsərlərin qəhrəmanları və indiki oxucuları demək olar ki, həmyaşıddırlar. Hekayələrdə hadisələr zahirən tamamilə fərqli bir dövrdə baş versə də, müasir məktəblilər personajların təəssüratlarını çox yaxşı başa düşür və hiss edirlər, hekayənin əsas məğzini dərk edə və nəticə çıxara bilirlər. Mehribanlıq, nəciblik, dürüstlük, bağışlamaq, sevmək, dostluq etmək - bu keyfiyyətlər hər zaman eyni dərəcədə vacib və dəyərlidir. Hekayələrdə təsvir olunan hadisələr gənc qonaqlarımızın qəlbində öz yerini tapdı. Sanki bütün bunları onlar özləri və ya dostları yaşayıblar.

Açıq dərsi daha maraqlı edən isə "Müharibənin 1001 gecəsi" hekayəsinin motivləri əsasında çəkilmiş "Səni xatırlayıram, müəllim" filminin nümayişi oldu.

17 Yanvar 2020

Hacı Xanməmmədov"Kamança və simfonik orkestr üçün konsert"2-ci hissə.

Respublika və Beynəlxalq müsabiqələr laureatı Hüseyn Nağıyevin ifasında.